Një 41-vjeçar nga Tirana është kapur në pikën kufitare të Kapshticës me një sasi prej 2 kg e 248 gram, të cilën e kishte fshehur në shasinë e makinës.

Olsi Delli po vinte nga Turqia në drejtim të Shqipërisë me automjetin tip “Land Rover” ngjyrë gri, me targa AA889PV.

“Nga shërbimet e Policisë Kufitare, ky mjet u përzgjodh për kontroll më të detajuar në vijën e dytë. Nga kontrolli i ushtruar konkretisht  në pjesën e shasisë së mjetit, në një vend të modifikuar u konstatua dhe sekuestrua në cilësinë e provës materiale 2 KG e 248 gr, lëndë e dyshuar narkotike e llojit Heroinë. Shtetasi i mësipërm po udhëtonte me këtë mjet nga Turqia, në drejtim të Shqipërisë. Veprimet proceduriale të rastit, u kryhen nga Specialistët e Seksionit për Narkotikët në Drejtorinë Vendore të Policisë Korçë”, sqaron policia.

Materialet do t’i kalojnë Prokurorisë të Krimeve të Rënda në Tiranë, për hetime të mëtejshme.